२०२५ जनवरी २६ को अष्ट्रेलिया डे परेड एडिलेड ओवलबाट सुरु भएको र्याली एल्डर्स पार्कमा पुगेर सभामा परिणत भएको थियो
२०२५ जनवरी २६ को अष्ट्रेलिया डे परेड एडिलेड ओवलबाट सुरु भएको र्याली एल्डर्स पार्कमा पुगेर सभामा परिणत भएको थियो । यहा रहेको नेपाली सहित ६० भन्दा बढि विभिन्न समुदायहरुले आ आफ्नो पहिचान झल्कने झाकि सहित र्यालीमा सहभागी भएका थिए । विगत वर्षहरुमा झै यस बर्ष पनि एडिलेड नेपाली समाजको अगुवाईमा यहा रहेका विभिन्न संस्थाहरुले नेपाल र नेपालीको प्रतिनिधित्व गरेका थिए । पञ्चे वाजा समुहले पञ्चे वाजा सहित र गुठी साउथ अष्ट्रेलियले घिमे बाजा सहित सहभागिता जनाएका थिए भने सहभागीहरुले नेपाल झल्काउने राष्ट्रिय तथा सांस्कृतिक पोशाकमा सजिएका थिए । नेपाली वाजाले माहौल नै नेपालमय बनाएको थियो । २०१२ देखी नेपाली समुदायले संस्थागत रुपमा अष्ट्रेलिया डेमा सहभागिता जनाउदै आएको छ । एडिलेड समाजका अध्यक्ष श्याम दहालले अष्ट्रेलिया डेलाई नेपाली समुदायले नेपाल र नेपाली चिनाउने दिनको रुपमा लिएको बताउनु भयो ।
